ମଣିପୁର: ମଣିପୁରର ଉଖରୁଲ ଜିଲ୍ଲାରେ ସନ୍ଦିଗ୍ଧ ଆତଙ୍କବାଦୀମାନେ ଦୁଇଟି ଗାଡ଼ି ଉପରେ ଗୁଳି ଚାଳନା କରିଛନ୍ତି । ଯେଉଁଥିରେ ୪ ଜଣଙ୍କର ମୃତ୍ୟୁ ଘଟିଥିବା ଜଣାପଡିଛି । ପୋଲିସ ଘଟଣାର ସତ୍ୟତା ପ୍ରମାଣ କରିଛି । ଶୁକ୍ରବାର ମଣିପୁରର ଉଖରୁଲ ଜିଲ୍ଲାରେ ସନ୍ଦିଗ୍ଧ ଆତଙ୍କବାଦୀମାନେ ଦୁଇଟି ଗାଡ଼ିକୁ ଟାର୍ଗେଟ କରିଥିଲେ, ଯେଉଁଥିରେ ଦୁଇ ମହିଳା ସମେତ ଚାରି ଜଣଙ୍କର ମୃତ୍ୟୁ ହୋଇଥିଲା ବୋଲି ପୋଲିସ କହିଛି ।
ଜଣେ ବରିଷ୍ଠ ଅଧିକାରୀଙ୍କ ଅନୁଯାୟୀ, ଘଟଣାଟି ଇମ୍ଫାଲ-ଉଖରୁଲ ରାସ୍ତାର ନ୍ୟୁ ହେଭେନ ଅଞ୍ଚଳରେ ଘଟିଛି। କିଛି ସଶସ୍ତ୍ର ଆତଙ୍କବାଦୀ ଦୁଇଟି ଚାରିଚକିଆ ଗାଡ଼ି ଉପରେ ଗୁଳି ଚଳାଇଥିଲେ । ଏହି ଦୁଇଟି କାରରେ ଯାତ୍ରା କରୁଥିବା ଦୁଇଜଣ ପୁରୁଷ ଏବଂ ଦୁଇଜଣ ମହିଳାଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିଲା । ଫଳରେ ଉଭୟ ଗାଡ଼ିର ୱିଣ୍ଡସିଲ୍ଡରେ ଗୁଳିର ଚିହ୍ନ ଦେଖିବାକୁ ମିଳିଥିଲା ।
ସୂଚନାଯୋଗ୍ୟ ଗୁରୁବାର ସକାଳେ ଜଣେ ପ୍ରଶାସନିକ ଅଧିକାରୀଙ୍କ ଅନୁଯାୟୀ, ସନ୍ଦିଗ୍ଧ ଆତଙ୍କବାଦୀମାନେ କାଙ୍ଗପୋକପି ଜିଲ୍ଲାରେ ଗୁଳି ଚଳାଇ ଜଣେ କୁକି ମହିଳାଙ୍କ ମୃତ୍ୟୁ କରିଥିଲେ। ଏହି ଘଟଣାରେ ଅନ୍ୟ ଦୁଇଜଣ ଆହତ ହୋଇଛନ୍ତି । ସକାଳ ପ୍ରାୟ ୧୧ଟା ସମୟରେ ପଡ଼ୋଶୀ ସେନାପତି ଜିଲ୍ଲାର ତାପୌ କୁକି ଗ୍ରାମ ଏବଂ କଲେଙ୍ଗଜାଙ୍ଗ ମଧ୍ୟରେ ଗୁଳି ବିନିମୟ ହୋଇଥିଲା। ଦୁଇଟି ବିଦ୍ରୋହୀ ଗୋଷ୍ଠୀ ମୁହାଁମୁହିଁ ହୋଇଥିଲେ । ତାପୌ କୁକି ଗାଁର ଜଣେ ମହିଳା, ଯିଏ ପାଖ କ୍ଷେତରେ କାମ କରୁଥିଲେ, ଗୁଳି ବିନିମୟରେ ମୃତ ଅବସ୍ଥାରେ ପାଇଥିଲେ। ତାଙ୍କୁ ଗୁଳି କରାଯାଇଥିଲା । ମୃତକଙ୍କ ନାମ ଚୋଙ୍ଗଲୋଇ (୪୩) । ଗୁଳି ବିନିମୟରେ ଦୁଇଜଣ ପୁରୁଷ, ଏସ୍. ଡେଭିଡ୍ ଚୋଙ୍ଗଲୋଇ (୩୪) ଏବଂ ଲାମଖୋଚୋନ୍ ଚୋଙ୍ଗଲୋଇ (୪୬) ଆହତ ହୋଇଛନ୍ତି । ଉଭୟଙ୍କୁ କାଙ୍କପୋକପି ଜିଲ୍ଲାର ଏକ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ସମୟରେ, ରାଜ୍ୟ ମୁଖ୍ୟମନ୍ତ୍ରୀ ନେମଚା କିପଗେନ୍ ଘଟଣାର ତୁରନ୍ତ, ସମ୍ପୂର୍ଣ୍ଣ ଏବଂ ନିରପେକ୍ଷ ତଦନ୍ତ ଦାବି କରିଛନ୍ତି । ଏକ ବିବୃତ୍ତିରେ, ସେ ମହିଳାଙ୍କ ହତ୍ୟାକୁ ଦୃଢ଼ ନିନ୍ଦା କରିଛନ୍ତି ।
