ଅଭିଯୋଗକାରୀ କହିଛନ୍ତି ଯେ,୨୦୨୪ ସେପ୍ଟେମ୍ବରରେ ଅଭିଯୋଗକାରୀଙ୍କ ବାପା ଓ ବଡ଼ଭାଇଙ୍କୁ ଜୋରଜବରଦସ୍ତ ବରାକୋଠି ଗାଁକୁ ନିଆଯାଇଥିଲା। ସେଠାରେ ଟଙ୍କା ଫେରସ୍ତକୁ ନେଇ ସେମାନଙ୍କୁ ମାଡ଼ ମରାଯିବା ସହ ଧମକ ଦିଆଯାଇଥିଲା। ଏହାପରେ ଇଟାଭାଟିରେ କାମ କରିବାକୁ ମନା କରିବାରୁ ପରିବାରକୁ ଗୁରୁତର ପରିଣାମ ଭୋଗିବାକୁ ପଡ଼ିବ ବୋଲି ଧମକ ଦିଆଯାଇଥିଲା। ଇଟାଭାଟିରେ କାମ କରିବା ସମୟରେ ତାଙ୍କ ବାପା ଓ ମାଆଙ୍କୁ ଅମାନବୀୟ ପରିସ୍ଥିତିରେ କାମ କରିବାକୁ ବାଧ୍ୟ କରାଯିବା ସହ ସେମାନଙ୍କ ଯାତାୟତ ଉପରେ କଟକଣା ଲଗାଯାଇଥିଲା ଏବଂ ଶୋଷଣ କରାଯାଇଥିଲା। ଏହି ମାମଲାରେ ଭାରତୀୟ ନ୍ୟାୟ ସଂହିତା (BNS)ର ସମ୍ପୃକ୍ତ ଧାରା ଏବଂ ଆନ୍ତଃରାଜ୍ୟ ପ୍ରବାସୀ ଶ୍ରମିକ (ନିଯୁକ୍ତି ଓ ସେବା ସର୍ତ୍ତାବଳୀ ନିୟନ୍ତ୍ରଣ) ଆଇନ, ୧୯୭୯ ଅନୁଯାୟୀ ମାମଲା ରୁଜୁ ହୋଇଛି। ଘଟଣାର ଅଧିକ ତଦନ୍ତ ଜାରି ରହିଛି।